Donostia Gipuzkoa Film Commission 2018 VIII. Sariaren epaimahaia

Xehetasunak: Kategoria: Noticias; Argitaratua: 31 Abuztua 2018

GOYA TOLEDO. Haurra zela beti izan zuen gustuko interpretazio-mundua, eta laster Madrilera joango zen Cristina Rotaren eskolan matrikulatzera. 1993 eta 1996 urte artean, Pedro Olearen Más allá del jardín eta Jose Miguel Juarezen Dile a Laura que la quiero pelikuletan parte hartu zuen, pantaila txikirako serietan agertzearekin batera.

1999. urtean, Mararía filmatu zuen, Antonio José Betancor-ek zuzendua; film horren bitartez, Goyarako izendatua izan zen «Errebelazio-aktorea» kategorian. Handik urte batera, Amores perros etorri zen, oskarrak jasotako Alejandro González Iñarrutirena, eta «Ingelesez besteko film onena» bezala izendatu zuten Oskarrerako. Zineman egin dituen beste lanen artean honako hauek aurkitzen dira: La caja 507,Enrique Urbizurena; Palabras encadenadas, Laura Mañárena; Bailando el cha cha cha, Manuel Herrerarena; Un día sin fin, Giulio Manfredoniarena; Las treces rosas, Emilio Martínez Lázarorena; El último justo, Manuel Carballorena; Rivales, Fernando Colomorena, edo Los años desnudos, Dunia Ayuso eta Félix Sabrosorena.

Handik gutxira, telebistako serietan hartu zuen parte; hala nola, Acusados Telecincorentzat edo Los hombres de Paco, Antena 3-ekoa; horietan egindako pertsonaiei esker, ospe handia lortu zuen. 2010. urtean, Planes para mañana, Juana Macíasek zuzendua, eta Amigos, Borja Manso eta Marco Cabotarena, filmatu zituen. Urtebete beranduago, Goyarako izendatuko zuten beste behin, «Taldeko emakumezko aktore onena» kategorian, Paco Arangorekin Maktub filmean egindako lanaren truke; gainera, Idazle Zinematografikoen Zirkuluaren medaila lortu zuen «Taldeko emakumezko aktore onena» bezala.

2012. urtean, Kolonbiara joan zen Mentes en shock telebista-serieko protagonista-lanak egitera, Fox Internacional-ek ekoiztua espainiar hizkuntzako kanaletarako. Zineman egindako azken lanak honako hauek dira: Marsella —Belén Macíasek zuzendua; bertan, Maria Leonekin batera egingo du lan—, El desconocido —Dani de La Torrek zuzendua, Luis Tosar-ekin lana eginaz—, eta Acantilado, Helena Tabernarena.

BÁRBARA GOENAGA.Interpretazioan lehen urratsak hiru urte zituela eman zituen Juan Miguel Gutiérrezen "Bai Horixe" seriean. Bederatzi urte zituela, zineman egin zuen debuta Arantxa Lazkanoren "Los años oscuros" pelikulan. En Euskal Telebista kanal autonomikoan honako hauek bezalako hainbat serietan parte hartu zuen: "Beni eta Marini" (1991), "Duplex" (1993) eta "Goenkale" (1994-2000) arrakastatsua.

Hamasei urterekin Madrilera bizitzera joateko erabakia hartu zuen, eta han "El grupo" bezalako serietan agertu zen. 2000ko hamarkadan, pelikula hauetan parte hartu zuen: "El regalo de Sílvia" (2002), Dionisio Pérez Galindorena; "Amor en defensa propia" (2004), Rafa Russorena; "La luna en la botella" (2006), Grojorena; "Oviedo Express" (2007), Gonzalo Suárezena; "Los cronocrímenes" (2007), Nacho Vigalondorena eta "La buena nueva" (2008), Helena Tabernarena.

Goya Sarien XXII. edizioan, errebelazio-aktore onenaren sarirako izendatu zuen "Oviedo Express"-ek. 2009. urtean, Miguel Cohanen "Sin Retorno" filman parte hartu zuen eta 2010ean Eugenio Miraren"Agnosia"-n. Telebistan egindako azken paperetariko bat Inés Saavedrarena da; hots, "Amar es para siempre" seriearen 1. denboraldiko protagonista ("Amar en tiempos revueltos" serie arrakastatsuaren jarraipena).

TVEko "Cuéntame" serie arrakastatsuaren zortzigarren denboraldian parte hartu du, psikologoarena eginaz. 2016an, David Cánovasek zuzendutako “La punta del iceberg”, Ben Sharrock-ek zuzendutako “Pikadero” eta Koldo Serraren "Gernika" estreinatu ziren. Halaber, Gorka Vázquezek zuzendutako "El secreto de Amila" animazio-pelikularen bikoizketan parte hartu zuen (Gaixotasun Arraroen Espainiako Federazioaren, FEDER-en, lankidetza izan zuen filmak). Eta ETBrako egindako Eskabatxeras serie berrian ere lan egin zuen, Olatz Beobidek zuzenduta.

2017an, berriz, "iFamily" seriea estreinatu zen; hau da, TVERako egindako komedia. Urte berean, zinemetan honako hauek estreinatu ziren: "Operación Concha", Antonio Cuadrirena eta "Hacerse Mayor", Clara Martínez Lázaroren pelikula berria

ELENA SÁNCHEZ SÁNCHEZ. Canal 24 horas katean informatiboak eta "La Tarde en 24" eguneroko kultur programa aurkeztu zituen, eta, ondoren, TVEko La1-ko kronika sozialeko aurkezle izatera igaro zen; tartean, "Gente" edo "Corazón". 2014az geroztik, "Días de Cine" asteroko programa mitikoaren irudia da, 25 urtetik gorako ibilbidea duenarena. 2015eko maiatzean, lan horrekin batera "Historia de Nuestro Cine" formatu berria zuzentzen hasi zen; eguneroko programa horrek La2-eko prime time hartzen du, eta astelehenetik ostiralera Espainiako zinemaren historia errepasatzen du.

Programan, pelikula bat ematen dute, eta sarrera egiteaz zinema-arloko adituren bat arduratzen da. Horrez gain, ostiralero, mahai-inguru bat zuzentzen du, emandako tituluak kontuan hartuta Espainiako zinemaren bilakaera aztertzeko. Moldatzeko duen erraztasuna medio, gertaera edo saio nagusiak aurkeztu ditu, zuzenean, Kate Publikoan; hala nola, Sanferminak (lan horretan ari da gutxi gorabehera duela hamar bat urte hasita), Eurovision, Cervantes Saria, Forqué Sariak, Sant Jordi Sariak edo Valladolideko Seminci.

CARLOS BARRABÉS. Carlos Barrabés Interneteko ameslari eta merkataritza elektronikoaren aitzindari bezala ezagutzen da Espainian, Pirinioetako denda familiarra mendiko eta aire libreko kirolaren munduko lider bilakatu baitzuen (Barrabes.com). Esperientzia horretatik abiatuta, Carlosek Barrabés Taldea sortu zuen, aldaketa digitalarekin, berrikuntzarekin, teknologia berriekin, softwarearekin, erabiltzailearen esperientziarekin eta egun munduan operatzen duen diseinuarekin lotutako hainbat enpresak osatutako multzoa. Aktibista digitala da, eta digitalizazioaren abantailak ahalik eta pertsona eta erakunde gehienen eskura jartzen aritu da. Hasieratik, erakunde eta startup ezberdinekin egin du lan, aldaketa digitala bultzatuaz garapen sozio-ekonomikoaren zati gisa, talentua sustatuaz eta guztiei aukerak eskainiaz.

Azken 10 urteetan, banku-erakundeen (Banco Santander) eta telekomunikazioetako enpresen (Telefónica) aholkularia izan da. Halaber, ESPENIren (Pirineo Business School) eta "Empieza por Educar" fundazioaren sortzailea da eta IED Strategic Design Lab Masterraren zuzendaria eta MBAren zuzendaria, lanaldi osoan, Industria Antolaketako Eskolakoa.

JOSE MARI GOENAGA. Donostian enpresa-zientziak ikasi ondoren, Goenagak zinema ikasi zuen Sarobe zinema-eskolan (Urnieta, Gipuzkoa). 2001. urtean, Moriarti produkzio etxearen sortzailetariko bat izan zen. Film labur batzuk zuzentzeaz gain (tartean, sari ugari lortutako Tercero B, Sintonía eta Lagun Mina; denek batera 150 sari baino gehiago), Lucio film luze dokumentala idatzi eta zuzendu du beste batzuekin batera; hau da, Donostiako Zinemaldian estreinatua eta Pelikula Dokumental Onenaren Goyara izendatua 2007. urtean.

2010 urtean, “80 egunean” (“En 80 días”) pelikularen zuzendarikidea izan zen, 70 urteko bi emakumeren arteko maitasun-historia kontatzen duena. Pelikulak nazioarteko 100 jaialdi baino gehiagotan parte hartuzuen, tartean "A" kategoriako lautan, eta ibilbidean 30 saritik gora eskuratu zituen. 2014. urtean, berriz, haren hurrengo pelikula, “Loreak”, (Jon Garaño kidearekin batera zuzendua), Donostiako

Zinemaldiko atal ofizialean estreinatu zen, eta euskaraz oso-osorik egindako lehen pelikula izan zen, atal horretan lehiatuko zena. Zinemaldian izan ondoren, filmak ibilbide arrakastatsua izan du jaialdietan barrena (Londres, Zurich, Tokio, Guadalajara edo Miami), eta 2014ko pelikula onenaren Goyara izendatu zuten. Horrez gain, 2015. urtean, Espainiako Zinema Akademiak hautatu zuen atzerriko pelikula onenaren Oskarretarako aurrehautagai gisa.

2017. urtean, “Handia” pelikula estreinatu zen (baita ere Zinemaldiaren Atal Ofizialaren esparruan), eta, bertan, gidoilarikide eta ekoizle exekutibo gisa parte hartu zuen. Pelikulak, besteak beste, Zinemaldiaren Epaimahaiaren Sari Berezia ez ezik, 10 Goya ere (13 izendapenetatik) lortu zituen, tartean gidoi orijinal onenaren Goya. Gaur egun, “La trinchera infinita” izeneko film luze berriaren postprodukzio fasean murgilduta dabil; filma Aitor Arregirekin eta Jon Garañorekin batera zuzentzen du.