Donostian eta Gipuzkoan zerga-pizgarri garrantzitsuak ematen zaizkio ikus-entzunezkoen sektoreari.
Film zinematografiko luze eta laburren eta beste ikus-entzunezko obra batzuen produkzioetan egindako inbertsio eta gastuek, hala nola fikzio, animazio edo izaera dokumentaleko ikus-entzunezko serieetan egindakoek, kenkari bat jasotzeko eskubidea ematen dute.
Euskal Autonomia Erkidegoko Lurralde Historikoetan egindako produkzioetan kenkariaren oinarria osatzen duten inbertsioen eta gastuen zenbatekoa inbertsio eta gastu horien zenbateko osoaren % 35 eta % 50 artekoa bada, kenkariaren ehunekoa % 50ekoa izango da aipatutako ekoizpenen kasuan.
Euskal Autonomia Erkidegoan egindako inbertsioak eta gastuak % 50etik gorakoak direnean, kenkariaren ehunekoa % 60koa izango da.
Obren jatorrizko bertsio bakarra euskara hutsean duten obren kasuan, portzentajea % 70era arte igoko da.
%50-60
IKUS-ENTZUNEZKOETAN EGINDAKO INBERTSIO ETA GASTUENGATIKO KENKARIA
%70
IKUS-ENTZUNEZKOETAN EGINDAKO INBERTSIO ETA GASTUENGATIKO KENKARIA – JATORRIZKO BERTSIO BAKARRA EUSKARAZ
2/2024 Foru Araua, maiatzaren 10ekoa, kultura sustatzeko pizgarri fiskalak eguneratu eta zabaltzen dituena.
