Euskadiko Ikus-entzunezko Ekoizleen Elkarteak, IBAIAk, informazio jardunaldi bat antolatu du Donostiako Sustapenarekin sinatutako hitzarmenaren lankidetza esparruan. Bertan jakinaraziko dira Gipuzkoako Foru Aldundiak ikus entzunezko industria hobetzeko onartu dituen zerga aldaketak.
Jardunaldia datorren maiatzaren 26an izango da, 10:30etik 12:00etara. Aurrez aurre jarraitu ahal izango da, Donostiako Zuatzu enpresa-parkeko Pi@ eraikinean, baita online ere, jardunaldiaren bezperan inskripzioan eskatu duten pertsonei bidaliko zaien esteka baten bidez.
Jardunaldian Iñigo Garmendia izango da, Norgestión-eko Lege eta Zerga Saileko bazkide zuzendaria. Aditu horrek indarrean dauden pizgarri sistemen azterketa konparatiboa egingo du, bai foru-araudien bidez, baita estatu-araudien bidez ere.
Izena ematea nahitaezkoa izango da bai aurrez aurre bai online joateko. Horretarako, maiatzaren 23a baino lehen, esteka hau bete behar da:https://bit.ly/3lrrmzm
Laguntzaileak:
